bb 話

好攪笑,尋晚bb講0左成晚bb話,玩得不知幾開心. 但開心過後,bb扭眼訓,結果大喊成個鐘.弄到我倆”根”皮力盡.其實bb已經乖0左好多,比之前喊少0左嫁啦.但可能之前抱得多,抱到媽媽手腕痛,爸爸腰痛.由於平日係99到住,每次bb大喊或唔飲奶,我會好頭痛,因為99會話幫我抱和0畏奶 ,攪到我有點唔開心,好似我唔識湊b咁:(　唔知要係９９到住到幾時呢，真係有點唔方便和唔習慣呀．．．．．．．．．．．．．．．．．

Boxing Day

兒女是耶和華所賜的產業，所懷的胎，是祂所給的賞賜。”（詩篇127章3節）

感謝天父上帝賜給我們世上最好最寶貴的禮物!!

教養孩童，使他走當行的道，就是到老他也不偏離。”（箴言22章6節）

我們會好好教導穎沂行天父所喜悅的事．　

聖誕節

好開心,聖誕節一連四日假期,可以帶bb返屯門
屋企啦.bb由奶奶湊,所以我們一家三口平日
住係馬鞍山,逢假期一家三口便返屯門.婆婆同
舅父仔好多日都見唔到bb,可能好掛住佢,所以
買0左好多衣服俾佢,其中一件係聖誕衣服,好
得意.今日,下午同bb去了黃金海岸拍照,晚上,
anglea 一家同karen一家到我家打邊爐,一一
好乖,大家都玩得好開心,大家有說不完的bb話
題.但好可惜,唔記得同一一bb拍照tim,下次見面
一定要記得啦. 好感謝,能同家人朋友過一個咁
幸福快樂既聖誕. *_*

產假後,第一天返工!!!

放完產假啦!!
好開心,終於放完產假,今天第一天返工啦.
各位,唔好誤會,我唔係唔愛囡囡.相反,我好愛
囡囡.媽媽唔返工,又點可以提供好的生活給她.
加上,全職湊BB係完全享受唔到湊BB的快樂.
每天忙個不停照顧她的生理需要(吃奶,大大,
洗白白......佢現在仍然要吃八次奶,每三小時
一次,好累...真的好累),完全沒有精力同bb玩.
現在返工後,交給奶奶,心情比較輕鬆,只需腦力
,而不需體力消耗,精神比坐月的時候好好多.
媽媽暫時沒有想過退休,做全職家庭主婦的打算,
所以要努力工作啦. ^^

聖誕禮物

這是舅父仔送給穎沂的第一份聖誕禮物

媽媽唔易做

自從懷孕直到ｂｂ出世，婆婆因為照顧我倆而
忙過不停．因有了穎沂，才知道原來做媽媽一
點都唔容易．婆婆，多謝你，我倆會好好孝順
你的．

幸福

幸福原來好簡單．
因為有你，令我感覺幸福，快樂．多謝你　：）

得得戚

穎沂,
你個樣好戚得喎?你又想緊點整估爸爸媽媽呀?

BB生病了 :(

由出世至今,bb都是吃媽媽奶+奶粉,但每次吃的
份量不多,約2-3安,所以每天吃起碼10餐.但由
昨晚起24/11 6:30pm,發覺bb有點唔妥,吃奶
份量下跌,只吃20-50ml.便便呈水漾.
25/11 早上,老公提議帶bb去看醫生,醫生話bb
腸胃炎.我順便告訴醫生bb晚上睡覺時常發出怪
聲和有鼻鼾聲,醫生話bb鼻塞和可能遺傳敏感(爸爸
皮膚敏感,bb鼻敏感) :(
醫生開0左6支藥水俾bb吃,bb真可憐,咁細個要吃
藥水,只怪媽媽照顧bb唔好啦,bb對唔住呀!!
吃0左幾次藥,bb都沒有好轉,到晚上bb因為鼻塞,
飲奶氣喘,飲唔到奶而嚎哭.爸爸媽媽用盡所有方法
都不能安撫bb,bb嚎哭到成塊臉變成"魚"紅色.爸爸媽媽
好害怕,立即帶bb去浸會看醫生.當時係26/11 淩晨,
因為bb嚎哭,醫生怕我倆照顧唔到bb,建議要留院觀察,
但浸會無位,寫信俾我倆去其他私家醫院或公立醫院.
可惜,其他私家醫院都無位,而我倆又唔想俾bb去公立
醫院.幸好,當我倆等電召的土的時候,我倆試俾bb飲奶,
bb竟然無事,飲0西,最後決定暫時回家.
當bb唔舒服又幫唔到佢,我真的很害怕,害怕會失去她...
第2天,爸爸沒有上班,留在家照顧bb,上午,中午bb都
沒有大問題.到晚上12:00 bb又呼吸有怪聲,鼻有鼻屎弄唔出,
又嚎哭,飲唔到奶,婆婆,媽媽,爸爸又害怕到帶bb看24小時
診所醫生,醫生建議帶bb去tuen mun醫院.在等看醫生時候,
我們試俾bb飲奶,bb竟然又飲得好好,我0地仲俾醫生串話bb
飲得好好呀,一邊鼻有鼻屎,仲有另一邊可呼吸呀,嚎哭到
"魚"紅色,無事,唔係黑紅色咪得啦,真的俾佢激死.如果你
們唔放心,咪俾bb留院觀察law. 我們又唔想,結果又帶bb回家.
bb你真係大整估,都唔知係唔係想出街,次次出去後又無事.
另一方面,可能0的藥太勁,弄到bb唔舒服,嚎哭,我倆沒有
俾bb再吃藥,已好好多啦.幾日後,跟健康院姑娘說起,原來
這個醫生開的藥好重,建議下次看另一個.我以後都唔帶bb
去啦.姑娘好好話我0地可能開奶粉開得濃,所以肚潟,教
我0地另一個開奶粉方法試試,又教好多湊bb知識給我同我
媽媽.姑娘,真的多謝你啦!!!
bb媽媽以後會小心照顧你啦!!!

奶咀+百日哭

爸爸媽媽一路都反對俾bb食奶咀
,因為怕bb依賴吃奶咀,難戒,和有可
能令牙齒長得唔靚.
但因為bb經常喊,無原無故都大喊一場,
可以一連喊足個幾鐘, 爸爸媽媽用0西所有
方法都按撫唔到bb.所以,最後決定俾奶咀
bb吃啦,點知原來bb都唔吃奶咀,吃幾口
唔吃吐出來,吐出來後,仲哭得比之前厲害.
俾佢激死!!!!!!!!!!!!!!!!!!!!!!!!!!!!!!!!!!!!!!!!!
bb由出世到現在,日日喊過不停, 大小姐,
你幾時先唔喊呀? 幾時先日日夜夜對住
我0地笑呀?難道真的要喊足一百日(所謂
百日哭).六合彩又唔見我0地中,竟然bb中
0左百日哭. 救命呀!! 爸爸媽媽已經多0左
對熊貓眼啦. 仲好耐無連睡多個3小時啦.
抱你抱到手軟啦…………………………….
. bb你乖乖啦!!!!!!!!!!!!!!!!!

我的名字叫沈穎沂

ｂｂ要在出生後４２日內便要爸爸２２／１１申請
出世紙．爸爸終於係４１日決定了我的名字啦．我
的名字叫沈穎沂．爸爸，你可唔可以改０下你０的
壞習慣呀，除工事外，樣樣事情都慢十拍．：ｐ

滿月啦~!

係金融海嘯下,爸爸媽媽本來打算唔幫bb擺滿月酒.
好似廣告話”慳得一蚊得一蚊” :p 哈哈 (因為生bb已洗0左好多$$啦)
但是,想深一層, 滿月酒一生人只得一次,好值得擺和同班親戚
一起慶祝,會熱鬧好多.
所以結果,我０地依對cheap父母都決定13/11係沙田美心酒樓幫bb擺
四圍滿月酒.仲以為細路係美心集團工作,可享有員工85折,但原來只限
擺三圍以下,真cheap.
當晚,好開心,有好多bb出席,二哥仔仔(八個月大),文舅父仔仔
(五個月大)+囡囡(四歲),個個都好可愛,好得意.
而bb今日表現都尚算合格啦,有哭,但比起平日次數小(平日成
日哭, 睡睡0下都突然哭幾聲再睡, 聲量細(平日嚎哭).
bb你大個囡啦,要乖,健康地成長,每天開開心心,媽媽就心滿意足.　：）

BB出世啦！！

BB出世啦！！
原本約０左１０月１３日下午１：３０開刀．但ｂｂ心急見爸爸
媽媽，提早係上午９：１０出世．
媽媽選擇開刀，因為媽媽係極度怕痛的人，但估唔好ｂｂ要媽媽
經歷０西所有生產過情（陣痛，見紅，穿水）．媽媽當然知道做
媽媽一０的都唔容易，但ｂｂ都唔洗咁大整估呀．
１３／１０　１２：００　媽媽已經覺得身体有Ｄ唔妥，feel 到好似
陣痛，但又唔知係唔係
１３／１０　０２：００－０３：００　　陣痛開始有規律
１３／１０　約０３：３０　　到達醫院登記，檢查
１３／１０　４：００－６：４５　激死，痛到死死０下，姑娘竟然話
６：４５ｃａｌｌ醫生，睇０下能否ｂｏｏｋ提早做手術．心想好彩選
擇開刀，一二級痛我都頂唔住，到十級都唔知點算好．：ｐ
１３／１０　６：４５　姑娘醫生ｂｏｏｋ到９：１０做手術啦
１３／１０　９：１０　BB出世啦
　

第一天產假

今日是放第一天產假,一個人閒在家裹,已經感覺很悶.
小b好像沒有徵兆會提早出來,我想應該要等到下星期
一(13/10),已約定的開刀時間才能見到小b啦.現在都
有點緊張,希望到時順順利利啦. :)

三十七週啦

今個星期已經係三十七週啦,仲有六天便開始放產假,真係好期待.
醫生己book0左13/10下午1:30分開刀,有點擔心小b會提早出來,
因為開刀通常都係早預產期二星期,但我只早四日.小b現在都已經
足月,順期自然啦,小b鍾意幾時出來就幾時啦.近來開始感覺到倦意
喇,因為每晚都睡得唔好,早上又唔願起床,真係有點想提早放假,但
我要堅持住,因為早放一個人留係屋等生都會好悶,不如留多點假陪
小b啦,哈哈!!

醫生建議開刀

上星期六(13/9)老公陪我去見霍醫生,小b比二周前只重0左小小,只增
0左0.3磅,現在係5.2磅,而我磅數差不多.小b仲有一個月就出世啦,我
要吃多點使bb可以吸收多點. 另外,今次霍醫生建議我由順產轉為開刀
,一來小b頭比較大,二來醫生同我檢查發覺我比較緊張,很難放鬆的人.
聽後,真的很不開心,由因為怕痛而想為自由和bb好,已由想開刀決定選
擇自然生產,突然醫生建議我開刀比較好,一時真的接受不來. 最後,老
公話我們應該依循醫生的專業決定. 但由於時間比較緊迫,醫生打算做
手術的日子(11/10 & 13/10)已滿,現在等醫生再查詢才確定邊日小b
出世.現在我都唔想想太多啦,一切交託祂的安排. 感謝祂一直以來對我
和小b的看顧.

LP 21聚會

去完我中學同學聚會後,當日(6/SEP)晚上陪老公去
LP 21聚會.當晚是慶祝simon生日,我們去0左銅鑼
灣THAI SIMPLE吃泰國菜,這間菜館的食物樣樣都好
好吃,本來要控制食量的我,都忍不住吃過不停.當晚
大家說起老公何時第一次帶我出來一起出席LP 21
生日聚會,真的想不起了.如果粗略估計,大約結婚前
大半年,都不經不覺四年啦,原來我認識0左佢0地咁
耐啦.當晚得悉simon榮升副校長,真的很開心.但
另一方面得悉他的兒子有自閉傾向,真的為他担心,
幸好早發現可以及早有有適當的治療.為人父母真的
不容易,只要子女健健康康,開心快樂已經係最大的滿
足. 祈求天父的保守看顧,simon的兒子的問題能早
日解決.

中學同學聚會

約0左成個月的中學同學聚會,終於能夠係上星期六(6/sep)
出來見面啦.好似今次自出來工作以來,第二次咁人齊出來
,上次係09頭去旺角稻白打邊爐,今次去尖沙咀潮樓飲茶.
Connie, Janie, Florence, Peter, Hong 和我(當
然加埋小b啦).自中學畢業,轉眼都差不多十年,但大家樣
貌都好似沒什麼改變,依然咁年輕,大家保養得太好啦.hehe
真的好久沒見,好像有說不完的話題,互相問大家近況,結果
飲0左成三小時. 真的好期待下次再見面.

小b增磅了

現在每二星期都要去霍醫生檢查,今次老公短週,可以陪我一齊去.0華,
小b增磅速度真快,現在已經有4.9磅,大約出世會有7磅幾.頭比身大一
星期,醫生話好似我係大頭b. 仲話小b個頭向前,可能產程耐0的,辛苦
0的.小b,你為什麼個頭向前,有咩看呀?有點擔心,我已經怕痛,仲要話
俾我知可能到時生的辛苦0的,救命呀!!!!!.小b你到時要同媽媽合作,
快0的出來呀.另外,前星期因公司 裝修的氣味導致不適,又擔心對小b
的影響.幸好有班熱心的同事的幫忙,同人事部反映後.打開坐位後的窗
和加把風扇,使空氣更流通,現在已好好啦.真的感謝主的安排照顧.

公司裝修

好慘,公司老細房大裝修,發出難聞的天拿水氣味,難聞都唔
無所有,最怕對bb有影響,上星期四已經取0左一天病假,加上
星期五打八號風球不用上班,已經連放四天啦,所謂聞少一天
得一天啦.為安心,已去問醫生,天拿水氣味對bb有沒有影響嫁,
醫生答0左等於無答"最好避免啦,但都唔會有太大影響的" :p
但都沒辦法,仲有個幾月先生,邊有咁多假放呀.自己盡量小心
啦.

產前講座－－親親我兒

星期六，一早同老公去醫院上產前講座．題目係親親我兒．教如何幫ｂｂ
洗澡．這堂真的很實用，原來同ｂｂ洗澡係一個好大的學問，唔聽都唔知
咁多程序．首先，用棉花浸暖開水洗眼睛＝＞用小毛巾洗面＝＞用毛巾捲
住ｂｂ身體洗頭＝＞洗澡（緊記用手抬ｂｂ頸，因生ｂｂ頸好軟）．老
公你記得所有程序嗎？ｂｂ回家後第一次洗澡會由你負責啦．:)
上完堂去０左旺角買花，買０左一盆蘭花和二盆家樂花．之間晚上，同
老公LP21０的朋友去西貢”安東尼小廚”吃飯，０的德國豬手好好吃，
所以又忍不住吃到肚脹．ｈｅｈｅ

三十二週四天

今次又係媽咪陪我到去檢查呀,我0地一早出發,去到尖沙咀都係
9:15am.唔知點解,每次老公無嚟,路上暢通無阻,不需45分鐘便
到達.今次同以往一樣,等約1個鐘便可見醫生.我自己體重變化不大
,現在係125磅,而bb係約3.5磅,真好營養大部份bb吸收.bb生長好
好,預產期又提前0左,現在係10月9日.希望真是可以早一點點啦,
因為我打算放前二後八.即約10月3日開始放產假,如果可以放產假
一二天內生又可以有更加多時間照顧bb,而又唔會係屋係等生咁悶啦.
現在,成日都同bb講bb要聽話,要合作呀,到生世那天要順順利利呀.
看完醫生,約0左細佬,三毛,家姐去稻香飲茶.之後同細佬,媽咪返tuen
mun.好開心,大豐收,細佬買0左bb車送俾bb,係combi最新款,而且
仲係粉紅色,因為送貨關係,順便買埋winnie the poon床上用品
和洗澡盆．另外，訂做０左一張２呎半單人床，方便隨時有地方俾
家人休息或ｂｂ長大後用．行了一整天，真的好累但又很開心．^^

三十週啦!!!

上星期六同老公去0左威爾斯醫院上產前講座,題目是生產過程.聽完都有
點兒害怕,真懷疑自已是不是真的能夠忍受到陣痛和生產過程中的痛楚.
當問老公有冇担心我忍受不到那種十級痛楚,他仍是這樣回答"個個都係
咁生,應該沒問題的"真俾佢氣到.但當我決定選擇順產的時間,佢突然會
話,不如開刀啦,怕我怕痛喎.真的唔知佢幾時講真幾時講0下.現在每晚
都同bb講,bb你要同媽媽合作呀"寶寶,出世時要順順利利,快點出來呀"
媽媽好愛你的. 講真,不用想太多,到時係點都冇人知,只有交給主的安
排和自已盡力吧.
上完產前講座,之後去MS FOK復診,醫生話bb生長符合週數,預產期係10
月14日,比原定暫時早三日.而且bb已掉頭,bb重3.2磅,順產沒問題.
肚皮日漸漲大,有時都感到頂住唔舒服,呼吸有點困難,現在只可少吃多
餐.但是,明天君怡生日,去吃buffet,吃完明天後開始少吃啦. hehehe

二十八週

今天已經係二十八週三天,還有二個多月寶寶便出世啦.這幾天
天氣很熱,原來大肚比其他人體溫特別高,我係極之怕熱的人,
所以今個夏天特別難過.
好開心,angela已經順利誕下她的小寶貝,雖然經歷二十多小
時的痛楚,但當看到自己的寶貝,之前所經歷的痛,好快已經忘
記啦.而我暫時都未好十分確定選擇什麼的分娩方式,雖然口裹
己同老公,ming,katy講話會選擇自己分娩方式,其實心裡仍然
害怕. 感謝主,安排咁多小天使在我身邊看顧住我.上星期同
ming &ｋaty吃飯，飯後我們去了公司的會客室談天，她們問
我關於懷孕的憂慮，之後更為我向天父祈求看顧，希望我順利
過渡整個懷孕期．真的感謝她們的體貼照料．
雖然最近工作不開心，經常有許多的不滿．經禱告後希望得
到天父教導，使我慢慢改善自己不足的地方．而我自己都好像
感到有點點改善．明白沒人是完美的，可能在別人的眼中，我
都有好多缺點．我們應該用寬容的心對別人，自己都會開心．　
Yeah!! ^^

二十五週四天

今日係二十五週四天啦,時間好似過得好快.好期待見我肚裹的寶寶,
當然要寶寶足月啦,所以唔可以咁心急.寶寶乖,你要聽媽咪話,吸收
多0的,睡多0的,健康成長,到足月便出來見daddy,媽咪啦.最近,胎
動的次數多0左.剛剛感到胎動,而次數又唔多,真的令我担心.幸好,
朋友的說話,使我安心下來.真的,可能bb太細,所以胎動唔明顯,所
有感到次數比較少,但這二天我感到比較頻繁和有力,真的很開心.
bb好似比較晚睡,晚上郁得最多,希望bb你出世唔好晚上唔願睡覺啦
.因為要就daddy放假,下次檢查係2/8,相距成六星期,好耐呀,媽媽
唔放心想去健康院檢查但daddy又唔讚成,話健康院又無超聲波檢查
,只是聽心跳.休息0下,好過咁辛苦走來走去啦. 可能最近聽到身邊
有老公同事,自己同事親戚bb有事,所以特別左担心右担心啦.我都
知好多事情都係我0地唔能控制,只有交付給天父的安掛. 祈求天父
的看顧他們的bb無事,平安. 健健康康. 我和小b都會努力加油的.
^0^

生日快樂

好開心,今天是我的生日.同以往不同,今天沒有請假,因為想留假給bb.
今年生日特別開心,點解...因為有bb同我一起0羅 ^0^.而今年的生日
願望當然係希望寶寶健康0地成長啦同人人都開心快樂啦. 今年好開心
,cherry,ming,bonita,fanny已經提早27/6同我係ucc吃飯慶祝,又
收到fancel禮物.而29/6michelle又同我吃飯和送肚紋膏給我,仲提我
記緊勤力用呀.知道啦,我會勤力嫁啦,因為又真係幾好用,唔"立". hehe
. 而今日正日,雖然要返工,但sherman買0左生日蛋糕同我慶祝,好開心
有佢0地一班咁好的同事.多謝0西你0地呀.

二十三週啦

尋日,因為媽咪放假,所以老公唔需要請假,由媽咪陪我檢查.媽咪好開心,
第一次係超聲波看bb,佢仲問bb幾多磅,醫生好好即刻計,bb現左大約1.8
磅,同度bb size係二十三週.但以預產期計,應該係二十四週一天,姑娘突
然話我仲未去醫院交按金,可能冇位,要盡快交啦.看完醫生,我同媽咪去了
浸會醫院交錢.今年可能好多人生bb,由六月起,醫院己加價啦,真貴. :(
現在,我正考慮順產定開力,認識我的朋友都知我係非常怕痛的人,我好怕
生bb的痛楚,但我又好想嘗試順產,因為順產對我同bb都比較好,現在我
都係十五十六.無論如何,我只希望bb健康0地成長,平安足月出世.^0^

黑色暴雨

上星期六,下很大雨,天文台掛了黑色暴雨警告訊號.Daddy & mum只記得要看
醫生,可以看到bb,完全忘記掛了黑色暴雨警告訊號,診所可能休息.結果,真的
白走一趟.今天打俾診所再約,再約到23/6 11:30am. 7/6原本又係公司係迪
士尼舉行週年活動,結果因為太大雨,山泥傾瀉,水淹,封路而改期.
現在,我每天都好留意胎動的情況,感到肚彈的時候很開心,但等0左好耐都冇動
的時候又好担心.今日同angela講,佢話"原BB 而家好細,要佢好大力先可以感
覺到,正常唔駛急,有時可能成日都唔覺,但其實佢有郁,遲D好大力,7 , 8個月
啦."可能我過份緊張啦,^^. 9/6,daddy同我0地去0左南蓮園池-位於九龍鑽
石山,以唐代園林為建築藍本的園池影相,當日天氣好好,看到好耐冇見的藍天
白雲,但好熱.大約影0左一個鐘,好累,累到晚上左patpat痛到睡唔到,下次都
係唔好行咁耐啦.daddy同我0地影0左好多相,等你大個俾你看啦.^0^

結構超聲波檢查

好開心,星期五(30/5)小b通過結構超聲波檢查.好得意,醫生好細心檢查bb每個器官(大腦,小腦,心,腎,.......)數手指,腳指.差不多檢查0左25分鐘,最開心係醫生話冇問題(all passed)開心到我
又忍唔到流眼淚啦. :p 踏入第二十週,隨時都會感到胎動.其實我都唔知胎動係點,又可能已經感到
胎動了,因為前日忽然感到肚皮有點跳動,唔知係唔係叫胎動呢??????好期待更加深刻的感覺.下星期
六公司去迪土尼,好開心,到時可以同bb影好多相,到佢大個俾佢看,完來佢未出世都已經去過啦.^0^

Hello!BB 早晨呀

Hello!BB 早晨呀. 你尋晚睡得好嗎? 媽媽尋晚發0左好多夢呀,但大部份都唔記得,只記得吃ice-cream.:)
bb每天健康地成長,媽媽個肚每天地脹大.好多同事紛紛問媽媽是不是有了bb呢?初初媽媽都唔願意講,但媽媽再想想其實這件是開心的事情而且佢地都係關心媽媽.所以現在媽媽都大方說了,而且佢地都估中bb你的性別呀.
佢地好好仲話有好多野俾bb你呀,例如bb床,奶咀.......bb好幸福呀,有咁多人錫. 好開心,明天去檢查可以
見面啦,bb你幾時踢媽媽,媽媽好其待你第一次踢我呀. ^^

生病了

足足病0左一個星期啦,由最初唔想吃西藥到病到真係唔吃唔得,到要轉吃中藥.現在已好番好多,只有少少咳.希望快快好啦,雖然醫生話普遍感冒對小b無影響,吃藥都得,但我仍然好担心.希望小b無受影響啦,我會快快好嫁啦.已經踏入第十八週,心情有點緊張,好期待感覺胎動的來臨.而且30/5係去照結構超聲波,希望順順利行,小b健康成長. 祈求天主的看顧. ^0^

耳仔唔舒服

尋晚,耳仔突然唔舒服(塞住和癢),醒了睡唔到.我最怕這種感覺,幸好老公發現,立即安撫我和同我按摩,使我舒緩緊張的情緒.我已經同自己講,放鬆,放鬆,以免影響小b呀,但這種唔舒服真的令我很難受.唔知點解,我有時會
突然無故耳仔好唔舒服,但看過專科又話無事,真奇怪.真幸苦老公同我按摩成個鐘,佢本身都唔舒服(感冒0左一星期),佢真係好好老公. 真的感謝神安排這個咁好老公俾我. ^^

第三次產檢

30/4去了見霍醫生,好開心今日排第三個,只需要等半小時.醫生話bb呎碼ok,而且仲話係女,我好開心.而我老公都係,因為佢仔女都無所謂,都喜歡.只要bb健康成長便心滿意足啦.預產期係10月19日.已同醫生講選擇私家生,所以要抽血俾醫生寫信去浸會交訂金,媽媽今次好勇敢,一點都唔怕痛,只是心裹不停說神愛我,我愛神.....^^,好順利便完成抽血(雖然姑娘手勢唔好,左手抽唔到,要抽右手).唔知如果我選擇順產係唔係又可以用同樣方法呢.^0^

中醫

星期六如常看中醫,中醫話我仍然熱氣,當我問她我脈如何,她說比較其他孕婦我
脈唔流滑.真的很擔心和唔開心0左大半日,我可以做的只有多點休息和繼續
每天吃中藥啦.這星期三會去西醫覆診,希望bb一切正常,健康0地成長,bb
你要堅強,努力呀,媽媽好愛你嫁. ^ ^

第二次PWH檢查

昨天自己去PWH見醫生,約930,等到成1100先有得見.我以為今次只係上次聽驗血報告和基本檢查,所以自己去都無問題.但估唔到要做婦科檢查,這是我最害怕的.我苦苦要求可唔可以下次先,我好驚呀.但都唔得,話個個都要檢查一次.,因為你會係這間醫院生.當時,我幾想話我都末決定邊間生. 結果,我叫姑娘俾隻手我握住,
但我竟然害怕到搣0左佢兩0下呀 :p. 其實都唔痛,只係我太害怕啦,真係嚇親姑娘和醫生啦. 檢查完後,我腳仲震. 打電話俾老公,佢立刻來送我回家休息. 本來唔想麻煩佢陪我來,結果都要. 這個老婆真係......... 可愛 hehehe. bb為了你,媽媽要學識堅強呀. 感謝主,休息過後冇事啦.

一個好爸爸

上星期五,細路放假,媽咪又放假,我又一齊放假陪細路.一早去美心飲茶,唔知點解,吃極都唔飽.埋單後,去吃"薑汁燉鮮奶".細路都驚訝我吃量驚人. hehe.......吃完好滿足,然後去看電影"一個好爸爸".真係一部好感人的電影.我想老公都會係一個好爸爸,因為佢現在都係一個好好老公．^^ 看完電影之後又吃下午茶．直到530才回家睡下午覺．
今日同老公講,我已想到bb的名字,如果係男的叫"天恩",如果係女的叫加恩.其實我本身好希望bb名有個恩字.意思係感謝神的恩典和時刻記得神的恩祈. 但老公暫時未答應,因還有好多時間可以要考慮.　希望大家都喜歡,讚成啦.另外,我都會想多幾個名字給他們選擇的．

懷孕中期的心情

懷孕期已進入中段,但是感覺依然唔實在. 雖然,我肚日漸大,知道bb每日在體內成長.但有時都好害怕,怕.......(腦海經常想到一些唔好的事情).所以直到現在都不能好開心同同事,朋友分享懷孕的喜悅和身體的變化.很多說話想講但又怕突然唔順利. 好羨慕我的好朋友angela由懷孕早期到現在都能毫無顧慮分享她懷孕的點滴.
在過去二年,經歷過一次又一次唔開心的事情.曾經困惑過為什麼神不聽我的祈求,為什麼唔開心的事情一次又一次發生係我身上. 但ming曾告訴神是聽祈求而神自有最好的安排. 我明白他在教導我怎樣學會"珍惜". 好感謝神一直以來的看顧又派小天使在我身邊引導我. 無論前唔怎樣,只要相信神一定與我,小b,dadday同行的,有神的看顧,不用再憂慮啦. ^0^

God will make a way

God will make a way
Where there seems to be no way
He works in ways we cannot see
He will make a way for me
He will be my guide
Hold me closely to His side
With love and strength
For each new day
He will make a way
He will make a way
By a roadway in the wilderness He'll lead me
And rivers in the desert will I see
Heaven and earth will fade
But His word will still remain
He will do something new today

**感謝天父一直以來的看顧 ^&^　
小b已經踏入第十四週啦. 無論前路怎樣,我知你會與我同行的,謝謝!!

文超轉新工

不經不覺,今日係文超第六天返新工啦.唔知點解,佢仲咪習慣,每次見到佢都冇精神.又好難怪佢,話晒上份工已經做了七年,加上這份工同上份工作形式不一樣(比較要求制定,又要經常開會,上堂...),所以佢唔習慣lo. 但是,細路,你都唔細啦,盡量嘗試0下啦.只要過度到適應期就得嫁啦.好快你會享受這份新工. 我0地成家都會支持你的,努力.

第一次PWH檢查

今日第一次去沙田PWH檢查,過程都幾順利,等0左45分鐘可以照超聲波,可以見到bb好開心,bb好乖訓係到俾姑娘檢查.看見bb手仔,腳仔不停郁動不知幾開心.因為媽媽膀胱脹,照唔楚size,要去完厠所再照過.都好可以再見bb^^. 今次size都係正常 ^<^. bb繼續加油呀,媽媽都會.
好彩daddy今日堅持倍媽媽檢查,因為原來要抽血呀.上次抽血抽到"雲",弄到我怕怕.經商量後,都應該抽血檢查.好好彩遇到位好好手勢的男護士,佢一面同我傾談引開我注意力,一面安撫我話唔痛.最後我竟然抽完都唔知,仲似為佢講0下,唔係真.我問0左二次"真係抽完???" 好開心,真係唔痛呀. 男護士,真的多謝你呀~

自作聰明

連續三日假期,眨0下又過0左啦.這三天,都沒有特別出去.只係星期六老公放工回來,之後再出去荃灣買花.我自作聰明,想慳錢唔揸車,坐巴士出荃灣.點知........可能好耐沒有坐公共巴士,好"等",一面坐一面擔心,結果下車後唔舒服.bb,媽媽下次唔敢自作聰明啦 >_<
坐公共巴士老公遇上同事,佢同突然問daddy幾多個月,唔熟真係唔想話佢知.可能媽媽習慣經常摸住肚,所以俾人發現:p 其實媽媽都好想同朋友分亭喜悅,但又想再穩定0的先.connie,cecile,michelle姐姐,你0地要等0下啦.
星期日,買0左隻音樂cd俾bb聽,開0左一陣我想着0左了.這隻應該係媽媽安眠歌喎. hehehe

快樂的一天

今早成日坐立不安,沒有心情工作.因為今日會有oscar檢查的結果,好緊張,真的好緊張,加上今天診所只開診半天,如果係一點前收不到電話通知,便要等到星期六啦.正在盤算打不打去診所問好呢,幸好姑娘係12:30打俾我話檢查結果ok,當刻真的好開心,好開心,我仲好口乖立即多謝姑娘tim和立刻同cherry & ming 分享我喜悅．而老公只係第二個知道． ^0^
感謝主,幫助bb和我過一關. 我和bb會繼續努力的.

12週2天

今日係12週2天啦.尋日去做OSCAR真係膽戰心驚,2:30到達診所,2:40進行檢查,醫生不停用棒掃我肚但等極都唔出聲,攪到我好担心.終於醫生出聲,佢話我唔急尿和BB坐係到,檢查唔到,要我出去等等.係出面坐,一路同BB講BB乖乖呀,俾醫生順利檢查啦,一路祈禱祈求天父的幫忙.結果,好幸運第二次好順行,護士仲話BB手仔好似正在打拳TIM,好得意.醫生話度頸皮OK,但都要等檢血結果,希望PASS啦.
好感謝主的看顧,THANKS!!

好開心呀---12週啦 ^0^

明天1/4/08寶寶便12週啦.心情又興奮又好開心,但又緊張.因為明天約0左下午2:40分做oscar檢查呀.好開心,明天可以見到寶寶,但又好担心檢查結果.結果仲要等二日先知.都唔知這二日點過.
現在,嘔心的情況比之前少0左而且胃口都好番好多,仲時時肚餓tim.情況係一肚餓要立即食0野,不然好唔舒服.這陣子,真係辛苦0西老公啦,自從有0左寶寶之後,老公唔俾做任何家務,只可吃同sleep.而老公又好似有永遠做唔完的家務+工作.為0左寶寶同我,老公加油呀.^^
寶寶你都係呀,你要加油,健康成長呀,媽媽,daddy都好愛你嫁.