我的花面貓

因為你之前突然唔肯吃生果.
媽媽怕你便便唔好,所以買乳
酪俾你試.點知,你一吃便愛上,
仲食到成個花面貓tim. haha

豬流感針

豬流感針對於我,一個字"煩"
打又怕,唔打又怕.
其實真係搵阿b黎撬飛.
三星期前打第一針都唔驚,直至
陸陸續續出現問題事件同身邊人
個個都話咁危險,你都打呀?
心真的十五十六,同老公不停討論
又討論.最後認為,都浸濕0左個頭,
都要繼續落下,如果唔打第二針,第
一針未白打,加上第一針都無事,應
該都無事的.最後,尋晚放工,帶0左bb去
打針.可憐的bb,又係嚎哭,好彩,媽
媽早有準備--果汁糖,總算最後笑番.
今次穎沂沒有發燒,只係早上沒有
胃口,希望同上次一樣沒大礙啦.
又一次經歷打在你身,痛在我心的感覺.

我係女仔嚟嫁

最近同bb夾髮夾,經常聽到身
邊人話終於似番個女仔啦,個
樣都無咁牛黃.
心想,都係時候要俾心機同你
打扮啦,需知你天生唔靚,但心
信天下無醜女,只有憜女人.哈哈
唔靚唔緊要,無得嫁入豪門,咪讀
多0的書做女強人0羅.

又到星期六

每星期五,返工前會帶穎沂到99家,
過一晚才回家.因為那邊好多人陪
你玩,這二天你都特別開心,特別興奮,
時時玩到唔願午睡同有時晚上嚎哭.
bb,媽咪又唔係唔俾你玩,都唔洗玩
到咁盡呀,你要乖乖,依時吃睡,好嗎?

未訓醒的豬豬

媽咪,
好眼訓呀,你帶我去邊呀?
媽咪返教會,婆婆帶你去同舅父仔吃
早餐0羅.衰豬,有得訓你又唔訓,成
日半夜醒,媽咪唔理你啦........
媽咪都好眼訓呀.

十五個月大啦!!!

發覺這兩星期穎沂真的長大不少.
少了無原無故發脾氣哭鬧的情況,
聽得懂爸媽的說話, 懂得表達自己
的喜惡, 學懂點點的自理能力…..
如:
-懂得揮手再見, 飛吻
-可以專心聽爸媽講故事(約1分鐘)
-見到奶奶, 懂得自動自覺訓上枕頭準備
-懂得用匙進食(幾口)
-懂得伸手穿外套,除外套
-懂得”喂”食品給我們
-聽懂晚上乖乖合眼睡覺
等等……

有待改善:
幼潛老師都發覺bb較心急,要學習等(耐性).
而且專注力唔夠,容易放棄.
==>依,點解咁似媽媽嫁…….慘,好既遺傳唔
到,但衰既就遺傳0西.

你真的大得好快,眨0下眼由手抱bb
已經長大到識行識跑的小女孩.

穎沂,你知嗎?媽媽惾到竟然唔捨得你長大.
怕你長大後,有自己的生活,自己的世界,
唔再需要媽媽啦. :p

踢波波

波波簡直係穎沂的至愛.
日日無波波不歡.
穎沂不但樣似男仔,連喜好都似 :p

2010年的第一天

新的一年,新的開始.
希望新一年日日都咁開心咁快樂,yeah~!!!!
新一年的第一天,一早就去0左馬鞍山
燒烤,真估唔到會咁多人,咩依家唔興
去倒數啦,可以咁早起身.
好彩,係同99一家去,有99同姪女湊b,
可以安安樂樂燒野食 haha.

孖辨妹

家姐又一傑作. ^0^