好得意咩

爸爸:這張相好得意
媽媽:好得意咩
爸爸:你都唔識欣賞 :p
係媽媽心目中,bb不嬲都咁得意嫁啦,
好出奇咩.哈哈 ^^

轉身轉上癮

自從,穎沂識得轉身,漸漸轉身轉上癮 .
一放低佢係床度, 佢就會反轉,由起初
不能反番正面,到星期一突然連反兩轉.
真係好得意.看見bb每天的成長,彷如
自己再經歷一次.感覺真的好奇妙.

五個月大啦!!! (認人)

今日三月十三日,唔經唔覺,穎沂已經五個月大啦.
原來,bb已然開始認人,事原今日係星期五,又係回
自己家的日子,堂家姐,佢媽媽同我媽媽係屋企等我
0地回來吃飯,一踏入門口,bb又要認一0下地方先,之
後看見兩個陌生的面孔(其實不唔算陌生,佢0地係
你剛出世時,經常來看你嫁,哀豬,咁快唔認得人嫁),
看二0下唔對路,立即嚎哭.最大件事,媽媽唔記得帶
你的好朋友-大象(穎沂的至愛,每次哭,聽到玩具發
出來的聲,都可以使你舒緩0下)回家,所以你由入門,
洗白白,哭到開飯.最後要媽媽抱住一齊吃飯才收聲
.雖然你都有對住堂家姐,佢媽媽笑,但死都唔肯俾人
抱抱.你知道嗎?你真失禮啦.但算好彩,認得婆婆同
舅父仔:p.

我要吃包包

穎沂越來越 為食,媽媽吃緊麵包,
你竟然伸手要吃.阿囡,你學識吃
米糊先啦,米糊都未識吃,竟然想
吃包包,你想未學行先學走呀.慢
慢來,一步一步學習,唔可以好咁
心急嫁.吃唔到包包,又抓麵包袋
,真係俾你激死. ^ ^
囡囡,點解你越來越可愛,媽媽鍚
0西你.

吃糊仔

穎沂差不多五個月大啦,因為bb有時
唔吃奶,加上為0左訓練bb慢慢適應,
過渡至進食固體食物,所以我0地決
定俾bb吃米糊.做完一輪資料搜集
後,決定俾bb吃Healty Times,因
為係天然無添加有機糙米,應該比
較健康.我0地只係嘗試教bb吃,唔
係想咁快取代奶,所以只係用膠匙餵
吃1至2匙.bb好得意,覺得同吃開0的
奶奶唔同但又唔知係咩,所以,第一
天吃到扁咀.佢又唔識吞,只係含係
口內,唔上唔下,最後係吐番出來
hehe. 星期日,又再嘗試,今次好點
點,含係口內,咬幾0下,好似食0左.
最近,穎沂變0左口水怪,日日不停
流口水,好似出牙咁,俾糊仔佢咬0下
都好.今日又繼續努力 yeah!!!

媽咪,我準備好啦!!!

穎沂,你知唔知道?今日係星期六呀,媽媽放假
不用返工,你係唔係裝0左鬧鍾呀,日日都咁準
時6點左右起身.你第時返幼兒班,媽媽一定幫
你報上午班的.
今天,爸爸返工,只得媽媽一個,如常放你係我
0地張床玩,你玩玩0下又轉身,但今次唔係轉
半身,係轉全身,仲識用手撐床抬高個頭.好開
心,媽媽係第一個見到的,開心到立即通知爸
爸.可能你都好開心,所以你不停成日係張床
成日反轉自己趴0係度.,好似好想向前爬咁
.見到婆婆,舅父仔又表演,逗得佢0地不知幾
開心.但你仲未學識識反番正面.,抬頭抬到
累會發脾氣,真攪笑^ ^.
但你好頑皮,爸爸媽媽哄完你入睡,想二人世
界看電影-葉問.你竟然睡睡0下,醒來又玩
轉身,但你又唔夠力,結果成塊面貼0左張床到
,最後大哭.好彩,你識大哭.但你知唔知道,你嚇
親媽媽啦.結果,成套電影,,爸爸媽媽來來回回
入房看你十多次,次次見到你睡姿都好攪笑(
有直睡,斜睡,橫睡,腳踏高係小枕 頭上.......).真
係看少你一陣都唔得.