兩表在網床上

>

兩表的約會

好開心,星期六去0左大哥家去找表弟.
今次係穎沂第二次見表弟,想安排這
次約會好耐,所以即使係黃雨的情況
下,都不能取消.表弟,真係大個0左好
多,好得意,經常笑,逗得我0地好開心
.到達時,表弟正在大床睡覺,貪玩的
媽媽放囡囡係表弟隔離,表弟一開
眼看見穎沂,即娃娃大喊.另外,到
佢0地混熟後,媽媽放兩表係網床,
表弟突然搣穎沂耳同面,輪到穎沂
娃娃大喊,變態的媽媽全程看見,
竟然唔救囡囡,仲覺得好攪笑.事後
都俾爸爸話 :p 好期待兩表懂行,一
起四圍四玩.想起都好開心.
最後,吃由五星級大廚弄的西餐,
真的好好味,好似第一次吃大哥
的手勢,以後要多0的用找表弟做
藉口上去黏餐先. hehehe

遊大埔海濱公園

今天去了大埔海濱公園,今天天氣真熱.
怕熱的媽媽,真係唔係咁適合戶外活動.
但為了穎沂,點都要帶佢到戶外走走,看
看大自然的美景,總好經常逛商場啦.
大埔海濱公園真大,又有一大片草地,
等下次穎沂識行,一定要再來.好期待
看到bb脫去襪子赤著腳走的樣子 :)

係仔呀???

由穎沂出世起,每次見到0的唔識
既人,見到佢都會問,[係仔呀?].即
使穿裙都會問,[仔呀?].其實起初
,媽咪都唔敢相信,點解成個仔樣嫁,
仲咁醜tim,點算好呀??? :p
直到bb一日一日咁長大,頭髮由豎
起到依家比較貼服.開始慢慢似番
個女仔啦.媽媽都可以放心0的.^^

新玩具

又有新玩具啦,婆婆買0左架學行車
俾穎沂.多謝婆婆.穎沂好鍾意,玩
得好開心,好似隻雀,笑同叫個不停
,不停係到走來走去.其實媽媽都有
想過買,但因為看過好多資料話學行
車對學行有壞影響,所以遲遲都未決
定到.但婆婆送,當然歡迎啦,(哈哈,
又慳番^ ^),最多星期六,日先俾bb
玩0羅.這兩晚,穎沂玩得實在太開心
,竟然訓訓0下都笑醒,又想再玩過.

出牙啦!!!

喂穎沂吃粥仔時,爸爸發現bb
下面牙肉 有二劃白色0野.再
看真0的,原來係牙呀.穎沂出牙
仔啦.但穎沂只係看見0野食先開
口,一得到就合口,所以影唔到
相tim. :p

小可愛跌落high chair

真係估唔到bb會由high chair跌落地..........
每次吃飯,我0地都會放穎沂落hair chair,推埋飯桌
,一邊吃,一邊逗佢玩.今日,舅父仔收早,等埋一齊吃飯
.其間,bb一路坐直玩玩具同咬hair chair扶手.爸爸
吃完飯,媽媽以為爸爸抱bb一起去看電視,所以沒有再
留意佢.點知 突然聽到"po"一聲'望下hair chair,
bb唔見0左, 已經扒係地下!!bb沒有即時喊,但媽媽好
驚,立即抱起bb,可能bb見媽媽咁驚,所以立即嚎哭.媽
媽都嚇到想喊,婆婆同爸爸摸下你個頭, 檢查下啲手腳,
話bb應該無事,好彩最後bb懂笑同我0地玩同吃奶,我0地
都放心.都怪自己唔小心,只幫bb扣腰安全帶,沒有扣身
.真係估唔到你..............對唔住呀, 囡囡!!!