穎沂,你做咩扮"咕喱"呀!

"咕喱"係咩?
==味係做苦力行業既人囉 ^^

終於自由啦,超興奮. ^ ^

小可愛進步神速,可以自已行的第二天, 已不停通屋行,不停由屋頭行到屋尾. 寶貝,你唔累嫁?

識自己行啦(十四個月零二天)

係十四個月零一日大,小可愛終於識自己行啦.
即意味我0地捉雞仔生涯既開始. 哈哈^ ^

中央圖書館管一日遊

鋼管舞

.








 
















                       
                         穎沂,
點解你咁喜歡圍住支鋼管氹氹轉嫁?
              你喜歡跳舞嗎?
                   如你喜歡,
等你大0的,媽媽帶你去學芭蕾舞,好嗎?
              唔好學跳鋼管舞啦.

第二個聖誕節

這個聖誕提早同奶奶一家去吃自助餐慶祝.
這天,聰穎超開心,不停吃吃吃,又停同家
姐玩頭,右擺,左擺,真怕你玩到頭暈玩到
,晚上發惡夢.又不停大家輪流抱你去商
場行行行.食完直落去影燈飾.真開心,希
望年年都一樣,一直開心落去. yeah!!!

人生第一張証書

眨0下眼,就返完最後一堂幼潛,好唔捨得.
因為好多同學仔都不能讀到下期,希望
有機會再聚啦.同學仔-芯芯係同穎沂
同月同日出生,bb對芯芯好熱情tim.
媽媽同connie ee都係同年同月同日
出生嫁,到依家仲係好friend.唔知你同
芯芯會點呢?
最後一堂,有個別評估,報告一個月內收到.
好期待.仲有証書.bb你好勁,咁快就有人生
中第一張証書,哈哈 ^0^

手拖手

這幾天,穎沂好自動單手拖著我0地
不停通屋行,感覺真的好sweet .
看來你真係大個0左好多,已經唔係可
以任我0地舞來舞去的bb女.你有你的
主意,你的思想,仲識表達自己的喜惡
(當然係用笑同用喊既方法啦)^ ^
看著你,仍未能相信自己真的已成為
媽媽,真的這麼幸運可以擁有個咁可
愛的女兒.感謝您.

家姐的油畫

穎沂,似你嗎?

我要看碟

穎沂bb超喜歡看baby first,
playalong,同有小朋友跳舞0既兒歌碟.
一開就超興奮,又笑又跳.依家仲成日拿
住搖空器指住電視要開碟看.
如果,我0地只播歌唔開畫面,佢會唔高
興甚至自己關掉dvd機或擴音機,真係俾
佢激死.

行行行

雖然穎沂已經一歲半個月,仲未識自己行,
但可扶野企,同拖住行,所以一有時間,
爸媽便拖穎沂bb行行行.

穎沂bb,你知嗎,識行會好開心嫁,去邊都
可以自己話事,唔洗再手指指啦,你努力
0的啦.

再出牙啦!!!

等0左咁耐,終於出牙啦,估唔到第三隻要
相距五個月咁耐.但今次一出出上面四隻,
豬豬一定好唔舒服,唔怪得早前唔肯吃粥.
攪到爸爸不知幾擔心,仲成日攪攪新意思
,又用快子,又用叉喂你吃,又弄通粉俾你吃.
仲埋怨媽媽唔夠耐性哄你吃.
攪到媽媽有點呷醋 tim ^0^

再見了!

穎沂,爺爺返0左天家啦.
到你長大後,可能對爺爺完全沒有印象,
但你要知道,爺爺係好錫,好錫你的.

我有75cm高

原來大伯屋園個playroom好大,好多野玩,
簡直好似一個小型遊樂場,bb玩得好開心,
不停爬來爬去.幸好有姪女在,唔係爸媽一
定累死啦.
嘩,原來穎沂有75cm高,爸媽都唔係高個子
一族,都唔明你點解會咁高.得個高字,又唔
肥.肥先可愛嫁.千期唔好同媽媽相反,細個
肥但大個瘦呀.瘦身好貴嫁. 哈哈:p

終於叫"媽媽","爸爸"啦 ^ ^

其實小可愛之前已經好似有叫過,但發音唔清楚,所以唔敢肯定.
但今日終於係健康院打0左二枝防疫針後,好清楚咁一路大喊一
路叫"媽媽"聲救命.當刻真係又開心又心痛.
晚上,哄你睡又唔肯時,竟叫"爸爸"聲救命,真攪笑.
bb,叫你叫時又唔叫,叫救命先識叫我0地,真係俾你激c啦.

小可愛1 歲大啦!

時間過得好快. 眨0下眼,小可愛已經1歲大啦!
真的難以想像初初一個小小,軟淋淋的小可愛,現在已變成
一個四圍爬,可以扶住野企的小人兒.
雖然日日都好累又無覺好訓,但可以擁有你,媽咪真的好開心
,好感恩.
只要你每天過得開開心心,成日"卡卡"笑,身體健康,成為一
個天父喜歡的乖孩子,媽媽已經心滿意足啦.
小可愛,你要努力呀,爸媽會陪伴住你的 ^0^

孖辨B

這是家姐的傑作!!
可愛嗎?

開心的一天

自從,搬回家,穎沂同家姐見面時間少了.
兩個都好掛住對方.難得的見面,大家都
玩要玩個痛快.^0^


穎沂,你放心,媽媽每星期都會帶你返去
見家姐嫁啦.

新玩具

多謝ming姨姨,穎沂又有新玩具玩,而
媽咪苞包又可以省唔少. ^^
但真係難為ming姨姨咁重由屋企一個
人帶回公司俾媽媽.
穎沂,你記得下次要鍚錫ming姨呀.

p.s.穎沂仲唔願意吃粥,又成日都唔
開心,可以佢擔心爺爺啦.希望爺爺能
早日康復.

唔肯吃粥

穎沂之前食粥好乖, 好快就食完,由上星期五起,
唔係好肯食,有時連口都唔開.
bb,你做咩事呀?你厭0粥?你"out"牙?你唔開心?
(因為你知道爺爺病了)
bb,你知道嗎?爸媽好愛你嫁?你乖乖?
媽媽轉下俾你吃字母粉啦.

穎沂似邊個?

穎沂似媽咪定似daddy呢?

p.s媽咪個樣好似愈來愈殘tim.

穎沂的第一個燈籠

多謝,三毛同家姐送俾穎沂的第一個
燈籠-HELLO KITTY.穎沂喜唔喜歡
HELLO KITTY暫時未知,但媽咪就超
like,因為媽咪係HELLO KITTY
fans. 哈哈.
其實,bb喜歡咩,好多時都係受大人
影響. ^0^

穎沂返學啦@幼兒潛能訓練課程(幼潛)第1課3:30-4:30pm

本來預個半鐘出門口,但媽咪又慢吞吞,結果2:30才去到巴土
站等車轉坐西鐵.仲擔心會遲到, 好彩係爸媽跑到半死的情
況下趕係4:25pm到達.下次都係要早點出門啦. :p

好可惜,由於H5N1的原故,中心仍然只可安排一位家長入
活動室,爸爸唔可以陪我0地玩又唔可以影相.但馬姨姨 都
好好人,話會係第三堂安排爸爸一齊參與.

首先,係WARM-UP時間. 姨姨 攞左 一箱玩具出來俾小朋
友熱身,穎沂唔客氣,即刻攞玩具玩. 之後姨姨教小朋友同
數12345然後同玩具bye bye放回玩具箱.

之後唱歡迎歌, 就開始今日既課程.

1.五官歌

用一首歌仔介紹頭,眼,鼻, 口, 同埋舌頭.

之後對鏡住仔唱歌仔認識自己五官.加埋公仔貼子的輔助,
唱到邊個部位,便用貼子貼住.

2. 疊積木

學習抓放.姨姨派三個積木,二大一小, 學習由大至小疊積木.
我的小可愛只係不停掉開0的積木或將積木俾姨姨同助教.


3. 誇小捍

放左障礙物,教小朋友誇過一條小捍,訓練小肌肉-提小腿,,看
似簡單,穎沂能做到,但想同佢玩多次,就唔肯同喊,俾佢激死.

有小息時間,張姨姨派左bb一張濕紙巾抹手,之後便派小鏝
頭,有野吃bb就最開心,吃得好快tim.

最後,姨姨攞左 玩具出來,由助教看管bb自己玩. 家長圍埋檢討
上堂內容.起初穎沂都肯自己玩玩具,點知佢好似見唔到我,突
然喊,我即刻走去抱佢都唔肯收聲,喊0左成十分鐘,媽咪聽
唔到姨姨講野之餘,又嘈到其他媽媽,真係唔好意思.

穎沂,你今日表現好差呀,你下次可唔可以乖乖呀?

p.s 坐西鐵回家途中,扭眼訓,勁喊. 成家突然變全車焦點,不停俾人
望,仲問bb係唔係肚痛tim..唉...................... :(

Just wake up

小可愛剛剛訓醒,但爸媽現在超眼
訓呀...好後悔,剛才唔一起睡.:p

爸媽常說:要湊bb時最眼訓,bb一訓
我0地就最精神.所以,通常bb早午小
睡,就算爸媽好累都唔願睡,因為此
時才是我0地的黃金時間.哈哈哈

11 個月大了~~

11 個月大了~~

每日兩餐粥仔四餐奶
冇牙妹仲係得兩隻牙
仲咪識講媽媽,爸爸,成日講一連串外星話(打打打打打...哎哋吔哋哋...)
好惡成日打人塊面
成日摸人口,鼻,甚至插隻手指入人口
見拎揹帶/車車,會好興奮(知道有街去)
但出到街見到係陌生人,又好鬼友善(成日咪起眼笑同同人揮手),氹死人
成日扶住野企無時停
(真係要請個24小時保鑣先得)
有人舉高佢玩飛就笑到卡卡笑
好喜歡看play along,兒歌碟,次次一開都會笑同揮手
會拎起電話放在耳邊扮聽電話
會拎起TV remote對住電影機
好為食,一見大人食野,即爬過黎要吃埋一份
眼訓唔可以自己訓(要吃住奶訓,或要人暗)

聖誕節

今年聖誕提早同奶奶家人去吃自助餐慶祝．
穎沂超開心，係餐廳不停同家姐玩個頭,向
右擺，向左擺，真怕佢玩到頭暈．>0<
又不停輪流帶佢出去玩,吃完仲去影聖誕燈
飾,玩到十一點先回家．

相約一一哥哥看Happy仔

又多個小寶貝happy仔,穎沂又多一個朋友仔.
冇見一一一排,大個0左好多,一一好叻係十一個
月大已經識行,現在已識行識走,仲識呷醋tim,唔
俾一媽抱穎沂,真攪笑.
最近迷上電話的穎沂,竟然識同一一爭電話玩.真
係唔明電有咩好玩???
穎沂,你幾時識行,識行咪可以行去搶,唔洗眼白
白見一一搶走去囉.^0^

About 10 months

小可愛的生活作息一直很有規律

7:00-7:30 起床,洗面,玩玩

8:00 吃粥粥 (通常牛肉,豬肉,魚配節瓜/南瓜/紅蘿蔔/合掌瓜.......)
==>搬回家後,次重任交由爸爸負責 ^0^

9:00-10:00 去公園玩玩

約10:30 喝 160 ml 奶奶睡覺 (睡1-2小時, 上午 + 下午合睡3小時)

==>爸媽常笑說,小可愛唔係金霸王,每4小時便要睡睡,叉叉電,然後才能繼續玩玩玩.

約12:30 去街街,陪吃午飯(小可愛完全係一個為食bb,每次都要吃大人食物)

2:00 回家吃160 ml 奶奶,繼續玩玩玩

3:00-4:00 午睡約1-2小時

6:00 吃粥粥

晚上7:00 等爸媽回家,洗白白.

7:30 陪爸媽吃晚飯

飯後吃水果(蘋果,香蕉,橙)

約8:30-9:00 爸媽哄bb睡覺, 通常會同小可愛係床上玩,看見佢有倦意,便開200ml
奶奶邊喝邊入睡.有時喝完仍未肯睡,便用"咩"帶,通常好快便入睡.

就這樣一天便完結 @@@@@

明早再見

==>忘記,小可愛還會凌晨 01:00-03-00醒來吃160ml 奶奶. 唔好再問點解仲要吃夜
奶,只能說可
以佢比較早睡啦.***

******************************************************************
很多人經常同媽媽講,係大人控制小朋友的生活,唔係你小朋友控制你呀!
為什麼晚上出街要帶粥粥出去吃而唔改早點吃?
為什麼要午睡後才出街?
為什麼咁少帶bb晚上出街?
為什麼晚上要咁早睡?
為什麼.........?
為什麼.........?
生活作息有規律幾好丫,媽媽覺得冇問題喎,,.....^0^

家姐眼中的肥版妹妹

沒想到....

沒想到,生日願望咁快可以實現.
沒想到,願望因為咁而提早實現.
沒想到,願望實現一點都唔開心.
人生好多事情,我們都不能控制.
為有趕緊真惜眼前所擁有.

Soonpy世界

好開心，放一日大假，陪小可愛去沙田新城市
廣場soonpy世界玩玩．但可能早上已同佢去０左
公園玩，又ｓｉｒ滑梯，又盪千秋，所以見到咁
多可愛０既公仔都無咩反應，反而我０地不停抱
佢影相，弄到滿頭大汗. :P
唔緊要，下次再來過啦．