父親節禮物

媽媽一直擔心穎沂唔識同唔願爬,因為99一家太
錫穎沂.經常扶佢行,bb不知幾開心,而媽媽不知
幾擔心.因為媽媽知道學爬的重要,學爬可訓練腦
控制手腳協調,所以爸媽在家,一定要bb爬.bb之
前右翻左翻地才去到目的地（嚴格來說都唔係
叫爬）.但尋日,穎沂突然變0左飛魚,好快好快爬
到目的地.爸媽都唔相信自己雙眼,要bb再做一次
,佢又做到,又識360度轉身.好開心,剛剛今日又
係父親節,穎沂你咁叻俾咁大份禮物給爸爸呀!^^

ABC Song

A B C D E F G, H I J K LMNOP
Q R S, T U V, W X, Y & Z
Now i know my ABCs, next time won't
you sing with me!
不知不覺,爸媽唱0左這首ABC Song成個幾月啦.
每晚你扭訓覺喊,爸媽都要不停唱ABC Song你才
能平伏慢慢入睡,我0地唱都口水都乾同唱都悶啦.
穎沂,你幾時先可以自已睡,唔洗晚晚都要抱住、
拍住先肯瞓.好想好想train你乖乖自己睡,但
無奈唔係自已家,唔可以當你大喊,慢慢拍拍你心
口,背,同唱下歌仔暗你.費時,時間一耐,你喊到
收唔到聲,驚動全屋人.:(

生活因你而改變

星期天,穎沂吃完粥仔後,我們出發去黃
金海岸吃早餐啦.自從你出世,媽媽生活
因你而改變好多好多.媽媽係一個極度
怕熱的人,去餐廳,坐戶外NONONO,公園
,去沙灘NONONO,但因為你,媽媽竟然選
擇坐戶外.因為你,媽媽竟然放棄行商場
,而去行公園,行沙灘.OH,你竟然有咁大
既影響力.
真天真,從前仲以為生兒育女係一件好
easy既事,沒想過咁困身,沒想過要冇
得訓冇得吃,沒想過要變歡樂小姐,更
加沒想過要咁有耐性(識媽媽的,一定
知我係一個沒耐性,心急,脾氣差,火暴
的人).....難怪,經常聽到細路話家姐
變0左,媽咪話阿女變0左啦. 幸好,所
謂變,只是為囡已變好而己.
雖然,直到現在都未覺得自己有資格成
為稱職既媽媽,但我會繼續努力,keep
going~

呷醋

最近小可愛學懂了二個小動作.,經過每天的訓練和
迪土尼碟的功勞,穎沂懂得揮手再見啦,星期日晚見
到婆婆下車即同婆婆揮手,逗得婆婆好開心.
另一小動作係星期日同家姐,三毛一同去吃元氣時,
三毛叫囡囡錫錫,佢竟然伸頭靠近三毛面面.婆婆叫
囡囡錫錫佢又做到.但返做屋企,媽媽叫錫錫,囡囡竟
然唔理媽媽woo.
穎沂,媽媽呷醋啦,今個月媽媽係唔會買玩具俾你嫁啦.
: (
爸爸知道一定好開心. ^ ^

差不多八個月

仲有七天,穎沂差不多八個月啦.
做人父母真的矛盾, 一邊期待女
兒快高長大,同時又唔想她那麼快
長大, 因為這段日子應是她最需
要我們和我們能與她最最親近的
時候.那怕她長大後,有自己的思
想,天地,朋友,...,漸漸離我們遠了.