小可愛第一個生日會

想不到,返0左學唔夠兩星期,就有生日會.
而穎沂又係主角之一.
沒有經驗的我,以為什麼都不用準備,
但原來生日會邀請卡有寫"可帶喜歡的
食物同小朋友分亨",同婆婆接送時都聽
到生日月的小朋友家人都有準備.結果
係婆婆再三叮嚀下,連忙買小吃.
生日會當天,剛好爸媽放假,可接送,
湊放學都見到bb好乖排隊出來等.
真的好開心. 之後去埋snoppy land
玩玩,過0左好開心的一天. ^0^
**開學後,媽媽開始感到有壓力,差不多
日日俾老師話唔記填這樣填果樣,又
逢星期五發放工課,要假日同bb一齊做.
唉,n1,點解咁多野嫁?我想我係時候要
應真再三提醒自己係一個媽媽啦.要做
媽媽應該做的事情啦. :p

唔怕沙啦!!!!

穎沂之前好怕行沙灘,唔肯落地,要抱之餘
仲用腳夾著緊.但今天突然唔驚,好開心,
仲玩到唔願走. ^0^

似嗎?

似兩母女嗎?

我的小可愛 ^ ^

懶惰的媽媽,常常怕煩,好少同穎沂著裙.
原來著裙的穎沂都好可愛喎. ^ ^

EduCoach Lesson 5

繼幼潛後,這兒是穎沂的第二個playgroup地方.
這兒是小班playgroup,最多四人,仲係穎沂自已上,
冇得陪.都好可以係返n1前俾佢學習自己上堂,而我
又可以藉以小shop或小息一小時 ^ ^
初初佢都好抗拒,未入已嚎哭,不停叫走,走.有次
未上lift已叫走.次次都硬抱進去.
但根據sherman姐姐話,其實佢只係哭一陣,仲俾人發
現係冇眼淚tim,其餘時間都好可以的.
可能在這兒上0左成個月,所以n1開學都好順利,好快
適應了,仲好似返得幾開心.

N1 開學啦!!

終於開學啦!!
本來爸媽一同帶小可愛返學,點知是日係
心儀幼稚園收表日.所以只有媽媽同婆婆
同行.第一,二日只返一小時,未返學已
"no no"的小可愛,被老師硬抱走當然
喊啦.但放學排隊出來,同老師講佢只係
喊0左一陣,都放心.
第一日放學問佢,明天再返學,好唔好=>no no
第二日竟然話好,同話返學好玩woo,問佢吃
咩早餐,話吃東東,仲話ee喂,但上web看
是日早餐係芝士飽woo....真抓頭
但第三日,只有婆婆帶,仲話佢見到校服,竟然
扔落地,去到學校又叫走. 真俾你激死.
希望你慢慢喜歡返學啦.^ ^
p.s:心儀幼稚園收表日,爸爸830已去到,
都排成百幾人,真誇.星期六去面試,希望
順利啦.

生日快樂 - 2歲啦！！！

眨下眼，穎沂仲有二天就二歲啦.
時間真的過得好快,每日都仍然好忙咁,真係唔知忙0的咩.
雖然,冇街去,冇得讀書,每日放工都回家湊你,放假冇得
shopping,冇得做facial,媽媽仍覺得好幸福.(當然係你乖乖的
時間啦).如果媽媽能有充足的睡眠，當然更滿足啦.(妄想中)
講野方面:最近囡囡進步得好快,再唔係copy cat,,真係可以
同你溝通 ,而且不止二字,能講到三字以上.
能自己數1-10..
尋日係99家,媽問爸爸,"係唔係做0左好耐"(拍電視),佢
即答"係做0左好耐",弄得我0地成家哈哈大笑.

吃方面:看心情,都唔係吃好多,好細食,最喜歡都係飲湯,
吃烏東.
基本固體一日三餐 ,午同晚各一枝奶.

訓方面:最頭痛,最近好遲先睡 ,9點入房,係床上傾下謁
，講下古事,攪攪下，飲埋奶奶 好彩的話媽媽通常攪到
10:30先出到房.咁遲訓,早上咪成9點先起身,下個月返學
,都唔知點. 呢期超級痴媽B ,係都要我陪訓,唔知發生咩事,
飲完一枝又要一枝,最勁飲0左三枝奶,又不停話要去vv.
去完一次又一次,唔俾就激喊,發哂癲 真係玩死我,好累呀.....
trouble two 幾時完呀....

戒片片方面:已一星期早,晚都冇用片啦.反而媽媽仲未習
慣出街成日帶去v v,有時惰叫爸爸帶,哈哈 ^ ^

可愛嗎？

1/10 國慶日- 馬鞍山郊遊公園BBQ

同上年一樣，原班人馬去馬鞍山郊遊公園BBQ
９９，二伯，三伯，三伯娘，家姐同我０地
一家．之後下午，大家一齊去探爺爺．＾０＾

中秋節第二天

中秋節第二天，相約９９，伯娘去
尖沙咀飲茶，然後遊尖東．
雖然，天氣仍炎熱，但爸媽都很輕鬆，
因為囡囡都只掛住同９９，家姐玩，
爸媽都不要了．　＾０＾

"do" "do"

八通達有咩用? 對小可愛來說,一點都不陌人.
次次搭車,買野,佢都好期待這一下"do"的動作.
只不過爸媽想不到原來佢已懂去汽水機買野.
星期天,爸媽帶穎沂去濕地公園,轉乖西鐵時,
手持八通達的她一支箭跑去汽水機"do"
重連"do"兩部,無奈的我倆只好選購吧........

學揸筆

小可愛經常學模仿，最近學爸爸揸筆．
想不到竟然模仿得有板有眼．＾０＾

戒片行動(日間100% 成功&晚間98%成功) －２２個月２１日

穎沂已成功日間戒掉片片啦，而晚間這
兩星期都沒有弄濕片片．間中有時零晨
２，３點喊醒，初初爸媽都唔知為什麼
這樣，後來發現原來ｂｂ要去ｖｖ，結
果帶去ｖｖ完又好乖抱回床上訓番．是
否真的戒掉，要慢慢觀測啦．
沒有刻意的情況下，這麼快有這樣的
成績，爸媽都要讚下你”叻叻”ｈｅｈｅ

婆婆＆舅公生日快樂

小女孩

不知不覺，我的小可愛已由ｂｂ
變成一個小女孩啦．
但脾氣真的越來越大，唔喜歡就唔
喜歡．都唔知話你有性格定野蠻好．
～取ｂｂ廁所俾你去ｖｖ，你唔去竟然
自己放回廁所
～婆婆餵你吃飯，吃到一半唔吃，竟搶
０左成隻碗自己放回廚房
真的俾你激死．．．

開學啦！！！

開學啦！！！
係媽媽，穎沂要等到１１月才有學返．
三年的課程，真的能捱得過嗎？
報的時候，雄心壯志，不知幾想快０的有書讀．
到要返學，竟然成個人謝０西，第一日返學仲好掛住個囡ｔｉｍ．
爸爸話返到屋企，按鍾未開門已經叫爸爸，到見到爸爸但又唔見我，
不停叫媽媽，媽媽．同佢講媽媽要返學，都不停叫．
真心痛死了．這個決定真的是對定是錯呢？好煩．．．．．
真係攞嚟煩　:(

ABC

家姐畫俾阿妹的. ^0^

無聊的媽媽

仲未夠鍾返工,無聊的媽媽拿起
相機幫小可愛影番張睡覺look
相,點知影相sound把佢(好細sound嫁)
弄醒.未睡夠,當然喊到折天.但
媽媽又趕著返工,為有待婆婆收
拾殘局啦, hahahahahaha.

穎沂的妹妹

穎沂咁喜歡同小朋友玩,得佢一個又好似會好
寂寞,但爸媽又冇plan生多個,咁為有用$$$
買個妹妹俾佢啦. 哈哈.
穎沂,你要好好學習點take care 妹妹啦 ^0^

戒片行動(日間90%成功)

已開始戒片一個星期,估唔到可以咁順利.
第二天己差不多日間戒片完全成功.
日間在家已不再穿片,穎沂有需要會話俾
我0地知去vv,而我0地都會有提佢的.
出街需然有穿片,但bb都會叫去vv.
只係媽媽惰,叫bb vv or pp係片,但佢唔肯lor.:p
發覺佢都可以控制到,因有時去到中途會好奇起
身看看,見到有vv再坐繼續.
每次成功,除0左我0地七情上面的拍掌鼓勵,
佢自已都豎起手讚自已.
依家仲叻到去完要自己抹,真0的乖乖,媽媽錫c你啦~~
但戒夜片,真的要一段時間,因為bb 930仲要飲奶,
需然飲完奶通常去一次vv,但之後又要飲水水訓.
anyway,你都好叻嫁啦,慢慢來啦.^0^