小可愛陪媽媽過生日

穎沂第二年陪媽媽過生日,生日當然唔洗做啦,
所以爸媽請假一天同小可愛去迪迪尼玩玩.
這天天氣好熱,一早十一點去到迪迪尼,
第一站去看米妮劇,排0左成45分鐘,好彩有
帶維他奶,所以穎沂都好乖乖等候.想不
到,穎沂見到卡通人物一0的都唔怕,仲隨歌
起舞,又跟拍手掌,看足全劇.跟隨去玩小小
世界,同卡通人物拍照,全程都好興奮,好開
心,不停笑笑笑,難為我0地大汗疊細汗,小
孩子真係唔知咩叫熱.^^
最後累到吃完奶奶睡了,好讓我倆慢慢抖抖
同吃個午餐.
睡醒剛剛開始夏日巡遊,見到咁大場面,咁
多卡通人物又射水,興奮指數暴燈,不停"娃"
"娃"叫.媽媽都射到濕0西.
一路玩一路玩(維尼小熊,旋轉木馬......)
玩到6點爸媽太累,無力要走啦,看唔到煙花,
等你下次大0的再黎過啦.

後記:爸爸話仲辛苦過返成個星期工.^0^
媽媽話我都話生日最想放我自已一個啦. ^0^

**生日前一日,媽媽收到學校取錄的好消息,
9月開學啦,一讀讀三年,希望好快過啦.

小可愛第一張證件相

洗白白

咁大個都係第一次影你洗白白.
點解呢??忙到唔記得.

blog 依個發明好好,可以記得
小可愛的生活點滴.人越大越冇
記性,記下來俾你大個看,都知道
你有幾難攪.^ ^

好冧 (二十個月大)

眨眼間,小可愛已經二十個月大.
你知道嗎?擁有你媽媽總覺得無比的幸福.
近來,媽媽叫穎沂伏響媽媽/爸爸身上,
而你又真係乖乖伏過來,感覺真係好冧,好冧呀!!!
你又大個0左,樣樣都想自已做,自己穿鞋,著褲又幫掠衣服.....
你唔發皮氣的時侯,真的好可愛. ^0^ 你可否笑多0的,唔好成日摺埋眉頭啦,.
係時候幫你找學校了,希望能找到間理想的教會學校俾你快0的返學啦.

厚臉皮的媽媽

媽愛真的好偉大,偉大到估唔到.
戀波狂的穎沂,一見到圓形的物體,便即叫波波呀,波波呀,波個不停.
鞋店,facial店免費派波,媽咪竟然癲到去問人攞,支波波掍鬆0左,竟然
救其入間店問人攞膠紙,你話我係唔係傻0左呢??哈哈
傻0左自己都嚇親自己.