戒片行動(日間90%成功)

已開始戒片一個星期,估唔到可以咁順利.
第二天己差不多日間戒片完全成功.
日間在家已不再穿片,穎沂有需要會話俾
我0地知去vv,而我0地都會有提佢的.
出街需然有穿片,但bb都會叫去vv.
只係媽媽惰,叫bb vv or pp係片,但佢唔肯lor.:p
發覺佢都可以控制到,因有時去到中途會好奇起
身看看,見到有vv再坐繼續.
每次成功,除0左我0地七情上面的拍掌鼓勵,
佢自已都豎起手讚自已.
依家仲叻到去完要自己抹,真0的乖乖,媽媽錫c你啦~~
但戒夜片,真的要一段時間,因為bb 930仲要飲奶,
需然飲完奶通常去一次vv,但之後又要飲水水訓.
anyway,你都好叻嫁啦,慢慢來啦.^0^

無時停 ^0^

Yummy ~

穎沂:成塊食,真係好好味喎~~多謝媽咪.
媽咪:乖






p.s.此時,爸爸不知幾唔滿意(熱氣喎).哈哈

開始戒片（二十一個月）

開始戒片啦．
其實小可愛好早已經學懂坐ｐｏｔｔｙ去ｐｐ，
依家只是開始教佢ｖｖ要叫婆婆／爸媽．
這天晚上開始，第一次唔穿片便弄濕婆婆，
唔夠３０分鐘，又弄濕地墊，
又唔夠３０分鐘刷牙時，突然又ｖｖ弄濕．
你有冇咁多ｖｖ呀～～
最後穿片吃奶奶準備訓，吃吃０下摸住下面
示意去ｖｖ，係半信半疑下帶你去，你果然
有ｗｏｏ．
之後到爸爸接力，約半時間你又話要，真係唔
想信你，帶你坐你又扮”唔””唔”，好似玩咁，
但結果你又真係有，真俾你激死．
最後，發覺你好似有穿片先識叫去ｖｖ，真奇．

＊媽媽都知這你對你絕對不是一件容易的事，
所以媽媽會加陪學習對你要有耐性，信任．
讓大家一起努力吧．＾０＾

我的牛黃妹

真的乖了?

這兩天早上,穎沂醒後沒有喊,只是
乖乖訓在床上.前天下午bb發脾氣
趕婆婆入房,唔俾婆婆係大廳,要
自己一個,婆婆偷看即喊,都唔知
佢想點.晚上,問小可愛[點解唔開心呀,
叫佢乖乖,早上爸媽返工,婆婆湊你,
你要乖乖,晚上爸媽放工便回來同你玩,
假日同你去玩玩,好嗎?]小可愛似懂非
憧,但第二天婆婆話佢乖乖,沒有扭計.
是trouble 2 開始定,可能穎沂太悶,
不如早點俾佢返學同朋友仔玩,而婆婆
又唔洗咁辛苦?
但依家只有一間收,而媽媽又唔太喜歡,
都唔知怎樣好,唉.........

p.s.
1)穎沂眼無事啦,事源係看醫生前一天,
媽媽發覺粒野唔見0左,唔知你bb弄掉定自
然脫落,總之安落0西.
2)穎沂平時叫媽媽,依家又懂叫媽咪,都係
叫"媽咪"又好聽0的,又sweet0的.^0^

第二次上髮廊剪髮

天氣太熱,穎沂實在太大汗,終於忍唔住
帶佢剪頭髮.但不幸遇上不懂同小朋友剪髮　
的伯伯,所以剪到成個薯仔ｌｏｏｋ．＾＾
因為要報下年幼稚園，帶ｂｂ去影相．
小可愛最近一拍照就攏ｐｏｓｅ，連影照
片相都攏Q ｐｏｓｅ，弄得拍照個ｅｅ幾
咁唔高興，仲話無啦，最後一次ｔｉｍ．
最後只好選這張．：ｐ

擔心

穎沂幾個月前眼皮生0左粒小粒,看
普遍科醫生,話係油脂粒,不需理會,
但過0左成三個月仍然存在.而bb又
經常擦眼,弄到紅0左.最後去兒科
問,完來係肉芽,話要割,要轉介去看
眼科.
要割???媽媽真的好擔心,小可
愛咁細,點可俾你捉住去割呀?唔
捉住要麻醉有咩副作用??
約0左星期四去看眼科,希望有好提
議啦.