畢業啦

終於可以畢業啦,今天打電話到理大查詢,確定可以趕到今年畢業,證書3/12可返理大取.足足前後讀0左7年.如果唔係自己憜,一早畢業啦.想番都好後悔.但是,人要看前看的. 之後,有什麼打算?? 要自自做人的結果如何啦,如早日成功,咪可以早日開始0羅.我目標希望35前能大學畢業.(忘記講今天我係Dip畢業 :P)
其實我依家學緊鋼琴,唔經唔覺都學了一年十個月,下年老師話報考二級.好難,真的想放棄.暫時鼓勵自己再努力0的啦.本來打算學成八級,日後可以退休教琴,睇來這個希望........^^

澳門之旅

好開心,上星期三和四,同媽媽,細路,肥姨,姨丈,叔婆,姑婆一同去0左澳門.(當然老公都有去啦).
一落船,第一站去金沙賭場,全程去了四個賭場包括永行,新葡京,威尼斯.威尼斯酒店真的
很大,有三條運河.我0地當然冇坐啦,因為每個人要$120,好貴呀.但晚上兩個坐都挺浪漫,
船夫會唱歌嫁.有去漁人碼頭,大山巴......好可惜,媽媽要返工,沒有過夜便走了.下次要再來,因為
姨丈話幫我取免費直昇機去澳門和住永利酒店呀.想0下都已經好開心. :)

西貢&大伯新居一日遊

上星期六,約了奶奶,君怡,君怡阿媽,一同遊西貢.可惜,天氣實在太差,好熱完全沒有風.不到一小時便離去了.
返到新港城吃麥當勞.奶奶講0左好多有關佢0地四兄弟好多經歷俾我聽.佢0地城家都好犀利,當年無錢都可以送四個仔國.而且現在個個都工作好好和有好家庭(除二哥外).奶奶除了擔心二哥外,都好安心啦.
之後,我們總動員去了大哥位於雅典居的新居.新居環境好舒服,有山景,有海景.我老公最喜歡居住係這樣空氣清新的環境.因為我,老公才會搬離馬鞅山.想一想,老公對我真的很好.:)
還有,老公和三哥夾錢買了部二手車(十年車齡+保險+牌費===>around二萬大元)好肉痛呀.但可以放假同老公遊車河,都好開心.>-<

神的考驗!!

我想這次係神給俾我的考驗吧!!
媽媽告訴我,她同清 去了廟堂問事(當然問有關我和老公生bb的事情啦),那人告訴媽媽我床頭沖和我同老公生肖相沖.解決方法:拜床頭和成功後分床睡.對我這個初信者,信心真的動搖了.因為這事情實左對我太重要了,我怕如果不跟從的話.... 但是我知道我應該依靠神,加上與ming msn 後,再一次堅定自己的心.
她說"明白, 初信係會有呢d衝擊,我唔知道你將來有無bb,不過如果你都想你老公&家人信主的話, 呢個都係你stand firm同見證的時候, 神都有佢的timing, 但萬一你拜咗又有咗的話, 咁你家人就會信哂係因為拜咗先有bb喇." 我讚同她所說而且我深信衪必看顧.可以的話我希望以此見證不拜都能生活潑健康的bb. 加油!!:)

山頂之行

一連三日的假期已結束,星期日去了山頂行山.剛巧遇見老爺,奶奶在喝咖啡.所以一同環繞山頂行了一週(共一小時十五一分鐘).想一想,今次係第一次和他們一同出外.唔知為什麼,一向多言的我,係他家人面前,完全沒有話題.真奇怪:p 今個月我倆再開工啦,希望有驚喜,成為結婚三週年寶貴的禮物.:)