全家病了

自上個星期一,穎沂bb病了(流鼻水同咳) ,之後輪到
媽媽,最後連爸爸都失手.唔知係湊bb辛苦弄到身體差
0左定係依家0的病菌太勁,吃完哂藥都唔好,爸媽都仲
勁咳.為免再傳染給bb,為有留bb係99家,爸媽回自己
家休息啦.今次係穎沂出世以來第一次離開佢,真係好
唔捨得,仲一走走兩日,真係好掛住佢.自從,做0左媽
媽,發覺身體健康真係好好重要,為0左照顧bb,要更加
好好照顧自己身體. 最近豬流感咁嚴重,真係有點怕,
大家要小心,祝大家健健康康.

食腳指

媽媽:囡囡,你好肚餓呀?
穎沂:係呀,媽咪你又唔記得帶奶奶.
媽媽:囡囡,係喎,下次記得提媽媽啦.

一日遊

復活假帶0左穎沂去香港公園,第一站去荔枝角放低架車檢查,
然後坐隧巴去金鐘.極少帶bb去遠遊的我倆,第一次就出事,
去成日,竟然只預備0左一餐奶......死啦...大食妹,一餐
奶點頂成日呀,算0巴,為有見步行步啦.
穎沂好開心,係巴士上不停四維看,好似鄉下妹出城咁,真好,
看到累去到金鐘都已經訓0左,我0地仲可以歎埋個午餐先.
.穎沂真係好鐘意出街,開心到連吃都忘記.公園又大,穎沂
又好有份量,抱到我0地cc0下.都怪爸爸,怕煩唔肯帶bb車.
去得香港公園,當然要去紅棉道啦.穎沂,爸爸媽媽就係係到
註冊嫁.雖然係假期,都有好多人結婚,看見佢0地咁開心,再看
見穎沂可愛既笑容,自己都感到好幸福.幸福得來不易,我0地
都要好好珍惜.最後六點幾回車房取車,點知未得等到差不多
七,可憐穎沂只吃0左兩餐,要到回家才有粥吃.穎沂,你都好乖,
媽媽下次會準備充足,唔會再讓你捱餓嫁啦.:p

我的小魔怪

你最近發生咩事呀?點解你最近無原無故地喊呀?
仲要喊得鬼咁可憐,眼淚鼻水一齊流.尋日放學回
來,爸爸投訴你晚上唔乖,喊0左成晚.湊你湊到成
身汗.莫非你掛住媽媽??定吽牙呀??
你乖乖啦,爸爸媽媽好累呀,已經日日無覺好訓嫁
啦,而你又超早起身,晨早六點就醒,錯,係喊醒,
要人抱抱,同你玩果隻.小姐,你知唔知你仲未戒夜奶,
我0地晚上仲要起身0畏你二次,咁玩法,我0地剩
番半條人命.你阿媽我隻手又痛到死,痛到死都要抱
你.你乖啦,我只想有覺好訓zzzzzzzzzzzzzzzzz
0的人成日話頭一年唔洗指意有覺好訓,原來係真,
死啦,咪有掛捱.以前爸爸話一定要生兩個,兩個
可以一齊玩,但依家佢已經轉0西0太,話遲0的先
算,依家好累.哈哈~