久違了的寶麗萊

去一一家

星期天,約0左karen,angela一家係青衣吃午飯,
然後上一一家.整日,老公都沒有心情,因為係星期
五同bb洗白白時,發現佢身體皮膚"鞋"0左同多0左
紅色點點,背脊仲生到一舊舊,為安心最後決定星期
天一早930去看兒科醫生,醫生話心口同背背脊係皮
膚敏感,而頸有待觀察是否敏感定濕疹,經醫生細問
bb最近日常生活同飲食,懷疑可能吃開奶茶引起.
可憐bb又要吃藥同擦藥膏.因為爸爸有輕微皮膚敏感
,深明皮膚敏感之苦,所以佢更加緊張bb皮膚的問題,
這幾天日日放工親自同bb洗白白,擦藥膏.
去一一家當日,因為bb剛吃藥,全程都無咩反應,同
bb玩一一0的玩具(千秋)都無笑容.而叫爸爸同我0地
影相都大失水準.為有下次再約一一出來玩啦.

雞公頭

穎沂,點解你個頭咁似雞公嫁?? ^^

情人節

今年情人節,好開心我0地一家三口一同渡過上半日.
點解得上半日?? (haha,因為晚上,爸爸媽媽去0左
吃飯同看電影law)早上,爸爸媽媽帶bb去吃早餐,但
可能bb太早起身(早上6:50已起),一出街好開心,四維
望,望到連我0地都唔埋,結果一到餐廳,累到訓0左.
都好,起碼我0地可以慢慢享受.吃完早餐,爸爸媽媽
準備0左份禮物俾bb,就係去 dr tai 打第二次六合一
針,肺炎鏈球菌針同口服輪狀病毒疫苗.bb你好乖woo,
打二枝針,都只係喊0左一二分鐘.但飲口服疫就唔乖啦
,飲到噴0左去dr tai隻眼到.同上次一樣,打完後沒
有胃口,而且第日早上5點發燒.吃過退燒藥好點,但要
到17/2早上12點同5點才回復原來,有胃口吃0左奶奶.
雖然穎沂可能唔太喜歡這份咁實用既禮物,但爸爸
媽媽去街都掛住bb嫁,買0左三件連身衣同三件口水
肩俾bb.
穎沂你喜歡嗎??

轉半身(四個月大啦!!)6.55Kg

不經不覺,穎沂已經四個月大啦,依家既佢相比
剛剛出世,真係好湊好多.以前,經常無原無故
嚎哭,總之差不多一開眼就喊,仲要越喊越大聲,
我倆差0的俾人告虐兒.但係真係唔知邊個虐待
邊個呢?? 依家既佢,喊通常因為肚餓,無人同
佢玩,佢唔願訓,而我0地又要哄佢睡....真係
幾大進步啦,而我0地又好似越來越同佢溝通到
,知佢想點.現在同佢玩,佢係有意識地開心到同
我0地笑.最近,bb仲學繄轉身tim,可以轉半身,
轉0左一半,一叫佢又會轉番轉頭.咁好玩,攪到
我成日放工都唔願去街,立即返嚟佢你玩.

感恩

真的感謝天父對穎沂全天候的照顧.
每天晚上,我同老公都會抱bb到我0地
張床玩玩具,談天.前晚,老公突然話背脊
有針吉的感覺,我都沒有理會,仲話件訓
覺外衣昨天都有穿,點會有問題呀.但係
老公仲話痛,咪同佢看看啦,真的嚇0左我
一跳,原來係枝針線吉0左係背脊.有冇攪
錯呀,好彩沒有吉到bb,如果吉入肉,佢喊我
0地又唔知咩事,真係好大件事.而吉入頭,
仲更加嚴重.咁大意的人,唔講都知邊個啦.
因事態嚴重我立即拷門同99,姪女講這件事,
但反應..........係我都唔覺原兇有一點疚意 : (
到零晨畏奶,我又發現我腳只公有線纏繞,
看看又係另一枝針線,有冇攪錯呀........咁離譜,.
真的好感恩兩次都沒有吉親bb,而我想0的針
應該係床幾天了(幾天前佢做家政公仔)我真
的很生氣,生氣到睡唔到.一早再告訴99這件
事,佢俾我感覺好冷靜.唉,我想佢都唔會好嚴肅
地同姪女講嫁啦.我本來打算自己同佢講,但佢
竟然去佢媽家,唔返99家.可能,怕我話佢啦,但
我只想佢知道當中的危險.難道我有錯?????
最後,我可以做只是地顫式檢查張床同祈禱.

生熱靡

兩星期前,爸爸幫穎沂洗白白,已發覺bb身同手臂
生0左粒粒,因為數量唔多,有待觀察.期後,bb眼發炎,
已忘記留意身上的粒粒了.直到尋晚,媽媽打開bb衣服,
發覺身體有好多紅色粒粒,爸爸立即探熱,才知寶寶
左耳36.2度,右耳37.9度.幸好,診所未關門,醫生話bb
有燒,100度,有點口龍痛(好可能係我上星期感冒傳染
bb的 :p) ,而身上粒粒係熱靡.叫我0地係屋企不用穿太
多.又係喎,這幾天天氣轉熱,但bb穿衫0既件數同冬天
差不多一樣.回家已立即轉述醫生的說話同奶奶講啦.
醫生開0左三種藥,退燒,止咳,收鼻水.吃藥太辛苦啦,
回家後,再探熱,冇燒(可能之前穿太多),又好似冇咳冇
鼻水,最後沒有俾藥bb吃,只係快快畏奶同哄bb訓.
希望,訓得好就會完全康復啦.
小寶貝,對唔住,爸爸媽媽太大意,你生病唔舒服我0地
都唔知.好喜歡依家0的穎沂,咁痴身,經常要我0地抱抱,
玩玩.真的好希望穎沂快0的長大,學懂說話同表達自己
的需要.但另一方面,又好怕她長大後,有自已的生活
又唔會再咁需要我0地.真的好茅盾,但無論如何,
爸爸媽媽永遠都係你身邊的,永遠都咁愛你.
只要你健康快樂,我們就心滿意足. :)

眼發炎

bb由前日開始,右眼經常有淚水和分泌物.起初以為
熱氣,買0左開奶茶沖奶,但持續兩天都未痊癒.為安
心,最後都看醫生,完來係眼發炎,可憐bb要吃消炎藥和
滴眼藥水啦. 今次係bb出生後,第二次生病.
而媽媽都唔舒服,都要看醫生.媽媽好唔開心呀,
因為感冒,所以成晚都唔可以抱你和同你玩.
只可以遠距離看你 :(

吱吱喳

最近,爸爸同bb改0左名 ,叫"吱吱喳".又真係幾貼切,
邊叫bb成日嘈嘈閉.新年放假,放0左九天,每天都
好準時六點左右俾bb嘈醒.佢完全唔知咩叫放假
可以睡耐0的.好掛住周先生呀?