玩玩具 (三個月零八天)

經爸爸的引導下,穎沂終於識
自己玩玩具啦,仲玩得很開心.

瞓咗覺啦?.....爸爸媽媽番嚟啦

bb,你點解唔等爸爸媽媽呀?
我0地放工已立即趕回家見你,點知你又
瞓咗覺.真的好想好想弄醒你同我玩,但
看見你甜睡的樣子又唔忍心.bb,明天你
可否等一等呀?

好想有番個屋企

係奶奶家住0左差不多一個月啦,到依一刻
仍然都唔習慣.一家三口住係一間百多呎的
房間,每晚吃完飯,返房喂奶,喂完奶哄bb入睡,
同老公傾一陣,睡覺,然後喂夜奶.其間,姪女
經常入來看bb,真的很迫,真的好似沒有私人
空間.而且,因為囡囡睡得唔"林",為免嘈
醒她,行每步都要很小心翼翼.幾時先可以有
有番個屋企呢?老公好想搬返馬鞍山居住
(係馬鞍山買樓),bb係馬鞍山返學,而我唔想,
想返屯門居住,bb係屯門返學,為的減輕負擔
(馬鞍山樓貴)又想近自己媽媽放便照顧.
其實,我們為了這個問題已經討論過無數次,
但仍然都沒有結論.我真的唔想因為這個問
題,而影響我倆的感情.
親愛的天父,希望你能引領我們,給我們一
家最合適的安排.感謝你!

食手指

這幾個星期,穎沂喜歡上吃手指,初初放一隻入口吃,之後二隻,
最後差不多成隻手放入口.因為天氣泠和佢經常用手抓傷自
己塊面,我會幫佢戴手套,但佢連手套唔放過,仲吃到"答答"聲.
佢成日食手指,究竟好唔好嫁?佢本來只吃左手,右手摸自
己頭髮,但姪女竟然幫佢放右手入口,攪到佢連右手都吃.
真係俾姪女激死,姪女行為有時真係唔似一個中二學生.
佢有時好似好錫bb,又時又會當bb好似公仔咁玩,真係有點唔
鍾意.但唔鍾意,咁又可以怎樣呢??????? :p

沙龍

好沙龍feel, 這張相是ming姨姨的傑作.^^ 由於bonita姨姨 話上次沒有抱過穎沂,所以今日我們一行六人(bonita,cherry,fanny,kathy,ming, me)連飯都唔吃,去0左奶奶家看bb.今日bb表現唔錯,逗得個個都好開心.個個輪流抱佢影相, 不但冇喊,仲表情多多.而ming姨姨更加母愛泛濫 ,畏穎沂飲奶奶tim.可惜,都唔成功令bb飲哂130 ml,只飲0左80ml. ming姨姨 ,穎沂等緊你生多個bb同佢一齊玩呀, 快0的啦!!!!!!!

新年快樂!!!

時間過得真快,轉眼間,2008年已經過去.
2008對於我來說,是最開心,最難忘的一年.
小寶寶的來臨令我們的生活起了重大的轉
變,有了她一切問題,煩惱也變得微不足道.
只要看到她的笑臉,一切都會迎刃而解.只
要你開心快樂,我們便心滿意足.看着你,
深深感受到生命的奇妙以及造物主的大能.
小寶寶,你要乖乖,吃多0的奶奶,健健康康地
成長啦.