復活假最後一晚,沖涼後,爸爸發現bb身體發熱,
一量體溫,38.x度,發燒.....,點解會發燒嫁?
次日媽媽請假帶bb去看醫生,檢查後-喉嚨紅0左,
醫生話細菌感染,(點解...衣個醫生味又話公眾場所,好多細菌,你唔知幾時被感染嫁.... :p)
bb會反覆發燒,隨後可能有鼻水.,有咳.
俾0左消炎,鼻水,咳,發燒藥............ 唉,又要灌藥.........心痛
媽媽下午返工,婆婆多次來電,話bb好熱,心想發燒一定啦,為有依時吃藥,
點知,放工同bb量體溫,成40.x度,好高燒呀,好彩醫生未放工,立即帶bb去看多次.
檢查後,肺,耳ok,但喉嚨紅過早上,可能遇上好勁的細菌.結果轉吃抗生素,俾定肛塞守門口.
可憐的bb,反覆燒0左五天,最高曾經有40.5度,好擔心,真的好擔心,爸媽輪流放假小心照顧寶貝.
病到五顏六色的穎沂,又容易發脾氣,又好黐身,仲晚晚突然半夜醒指向房門大喊要出廳.
bb好硬頸,係到要達到目的為止,真的好似我 :p
胆小的媽媽,真的俾佢嚇倒. 只有不住的祈禱.
這幾天,多得有耐性的爸爸照顧穎沂.媽媽,真的十分不濟 :(
幸好到第六天,穎沂已沒有再發燒,只剩鼻水同咳,bb你要努力,快快打倒病菌呀.